Qazaqstandyqtar bolashaqta jeke kýálikti onlaın rásimdeı alady
QR Іshki ister mınıstrligi baspasóz qyzmetiniń habarlaýynsha, kezdesý barysynda mınıstrler mamandandyrylǵan halyqqa qyzmet kórsetý ortalyǵynda (HQKO) júrgizýshi kýáligin berý, avtomobılge memlekettik tirkeý nómiri belgisin daıyndaýǵa tapsyrystardy avtomattandyrý protsesimen tanysty.
Bıometrııa tehnologııalaryn qoldaný baǵytyndaǵy jańa tásildiń arqasynda júrgizýshi kýáligin alý protsesi barynsha ashyq bolady jáne ol sybaılas jemqorlyq táýekelderin tómendetedi.
Nur-sultan qalasynyń №1 HQKO-da mınıstrlerge jeke kýálik berý boıynsha avtomattandyrylǵan termınal tanystyryldy.
Termınal bıometrııalyq júıemen, sýretke túsirý fýnktsııasymen jáne túsinikti ınterfeıspen jabdyqtalǵan. Onyń kómegimen adam óz betinshe kýálik alýǵa ótinim beredi, sýretke túsedi, óz qolynyń úlgisin qaldyra alady jáne QR-kodtyń kómegimen memlekettik baj salyǵyn tóleı alady.
«Osy tásildi pılottyq rejımde engizý máselesi pysyqtalýda», -delingen habarlamada.
Vedomstvo basshylary sondaı-aq AHQO-nyń Ekspat-ortalyǵyna bardy, onda búginnen bastap Qazaqstanǵa shetelden uzaq merzimge keletin IT-mamandar qajetti rásimderdi oryndaı alady. Mundaı ortalyqtyń artyqshylyǵy - ýaqytty únemdeý, óıtkeni qyzmetterdi alýshy barlyq rásimderdi bir jerden atqarady, túrli uıym-mekemelerdi aralap, sandalmaıdy.
Elordalyq polıtsııa departamentiniń jedel basqarý ortalyǵynda Marat Ahmetjanov pen Baǵdat Mýsın ІІM-niń «ahýaldyq-taldaý ortalyǵy» jáne «Sergek» AÓK mobıldi qosymshasy» perspektıvalyq jobalaryn jáne ishki ister organdarynda tsıfrlandyrýdy odan ári damytý josparlaryn talqylady.
ІІM taldaý ortalyǵy qylmystyń aldyn alý jáne krımınologııalyq boljam jasaýǵa arnalǵan júıe.
Mobıldi qosymsha - jol qozǵalysy erejelerin buzýdyń aldyn alý, jol júrisin avtomatty túrde qadaǵalaý jónindegi fýnktsıonal.
Mınıstrler jergilikti atqarýshy organdarmen, polıtsııa jáne qylmystyq-atqarý júıesi departamentteriniń bastyqtarymen, «Azamattarǵa arnalǵan úkimet» memlekettik korporatsııasynyń fılıaldarymen beınekonferentsııalyq baılanys rejıminde birlesken keńes ótkizdi.
«Innovatsııalar - polıtsııa qyzmetin bıýrokratııadan aryltýǵa, sybaılas jemqorlyq táýekelderin azaıtýǵa, sondaı-aq ishki ister organdary jumysynyń ashyqtyǵyn qamtamasyz etýge múmkindik beredi. Alda azamattardyń qaýipsizdigin qamtamasyz etýge baǵyttalǵan kóptegen jobalar bar, ІІM olardy TsDIAÓM jáne jergilikti atqarýshy organdarmen yntymaqtastyqta iske asyratyn bolady», - dedi Marat Ahmetjanov.
Vedomstvo basshysy óńirlerde Quqyqtyq tártipti qamtamasyz etý tek polıtsııanyń ǵana emes, jergilikti atqarýshy organdardyń da mindeti ekenin atap ótti. Quqyq buzýshylyqtyń aldyn alýǵa onyń barlyq sýbektileri, onyń ishinde ákimdikter de tartylýy tıis.
«Tsıfrlandyrý qazaqstandyqtardyń ómirin jeńildetedi, memleket usynatyn qyzmetterdiń sapasy men jyldamdyǵyna áser etedi. Jaqyn arada qujattardy rásimdeý merzimi aıtarlyqtaı qysqarady, bul rette barlyq protsester ashyq bolady, bul sybaılas jemqorlyq táýekelderin barynsha azaıtady. Biraq sapaly nátıjeler úshin memlekettik organdardyń «sandar» jáne memlekettik qyzmet kórsetý salasynda birlesip jumys isteýi mańyzdy. Biz ІІM basshylyǵymen bul týraly kelistik, azamattardyń qaýipsizdigi men jaılylyǵy úshin jumys isteıtin bolamyz. Tsıfrlyq qujattardy tanýdan bastaıyq», - dedi Tsıfrlyq damý, ınnovatsııalar jáne aeroǵarysh ónerkásibi mınıstri Baǵdat Mýsın.
Keńes qorytyndysy boıynsha ishki ister organdaryn odan ári tsıfrlandyrý jáne QR TsDIAÓM qatysýymen polıtsııa qyzmetine birlesken ınnovatsııalardy engizý boıynsha sheshimder qabyldandy.
Aıta keteıik, mınıstrlerdiń kezdesýi Memleket basshysynyń memlekettik apparatty bıýrokratııadan aryltý jónindegi tapsyrmasy aıasynda ótti.