Qazaqstandyqtar bir aıda 2 trln teńgege jańa kredıt alǵan

NUR-SULTAN. QazAqparat – 2022 jylǵy maýsym aıynda ulttyq valıýtadaǵy kredıt kólemi 1,9 paıyzǵa artty. Bul týraly QR Qarjy naryǵyn retteý jáne damytý agenttiginen málim boldy, dep habarlaıdy QazAqparat tilshisi.

«2022 jylǵy maýsymda ekonomıkadaǵy kredıt 2,7 paıyzǵa ulǵaıyp, 20,1 trln teńgeni qurady. 2022 jylǵy maýsym aıynda jeke tulǵalarǵa nesıe 2,9 paıyzǵa, ıaǵnı 11,97 trln teńgege deıin artty. Al zańdy tulǵalarǵa nesıe 2,4 paıyzǵa, 8,08 trln teńgege deıin ósti», - delingen agenttik málimetinde.

2022 jylǵy maýsym aıynda ulttyq valıýtadaǵy kredıt kólemi 1,9 paıyzǵa, 18,25 trln teńgege deıin ulǵaıdy, al shetel valıýtasyndaǵy nesıe somasy 11,8 paıyzǵa, 1,8 trln teńgege deıin artty. 2022 jylǵy 1 shildedegi jaǵdaı boıynsha teńgemen berilgen nesıeniń úlesi 91 paıyzdy qurady.

«2022 jylǵy maýsymda 2,03 trln teńgege jańa kredıt berildi, bul 2022 jylǵy mamyrǵa qaraǵanda 10,9 paıyzǵa artyq.

2022 jylǵy maýsymnyń qorytyndysy boıynsha bankterdiń ekonomıkadaǵy nesıesiniń eleýli somasy ónerkásip (jalpy kólemdegi úlesi – 10%), saýda (26), qurylys (4%) jáne kólik (5%) salalaryna tıesili. Basqa salalarǵa nesıeniń 29,7 paıyzy baǵyttalǵan.

«2022 jylǵy maýsymnyń qorytyndysy boıynsha 90 kúnnen astam merzimi ótken bereshegi bar nesıeniń úlesi kredıttik portfeldiń jalpy kóleminiń 3,6 paıyzyn qurady (2022 jyldyń basynda – 3,3%)», - dep atalyp ótken habarlamada.

Budan buryn habarlanǵandaı, 2022 jylǵy 1 shildedegi jaǵdaı boıynsha Qazaqstan Respýblıkasynyń bank sektorynda 22 ekinshi deńgeıdegi bank bar.

Qazaqstandyq bankter jarty jylda 355 mlrd teńge taza paıda tapqan.