Qazaqstandyqtar atyn, ákesiniń atyn, tegin ınternet arqyly ózgerte alady
12:57, 13 Aqpan 2013
ASTANA. 13 aqpan. QazAqparat - Astana qalasy Ádilet departamenti azamattyq hal aktilerin tirkeý jáne at qoıý jumysyn uıymdastyrý bólimi 2012 jyldyń 1 jeltoqsanynan óndiristik paıdalanýǵa «Elektrondyq úkimet» portalynda
«Nekeni tirkeý nemese nekeni buzýǵa baılanysty atyn, ákesiniń atyn, tegin ózgertýdi tirkeý týraly elektrondyq ótinish berý» qyzmetiniń engizilgenin habarlap otyr.
Atalǵan departament baspasóz qyzmetiniń málimetinshe, bul qyzmetti alý úshin azamattarda elektrondyq tsıfrlyq qoltańba bolýy kerek, ony Halyqqa qyzmet kórsetý ortalyqtarynan nemese «Elektrondyq úkimet» portalynan alýǵa bolady.
Elektrondyq ótinish berý úshin aryzdy toltyryp, barlyq málimetterdi júıege engizip,elektrondyq tsıfrlyq qoltańbańyzben qol qoıý qajet. Baj tólemi «Elektrondyq úkimettiń» avtomattandyrylǵan júıesi arqyly tólenedi.