Qazaqstandyqtar «Ashyq» qosymshasynan óz statýsyn teksere alady

NUR-SULTAN. QazAqparat – Azamattardyń «Ashyq» qosymshasyndaǵy statýsy týraly málimet usyný úshin arnaıy silteme jasalyp jatyr, dep habarlaıdy QazAqparat tilshisi.

Bul týraly Tsıfrlyq damý, ınnovatsııalar jáne aeroǵarysh ónerkásibi vıtse-mınıstri Áset Turysov aıtty.

«Barlyq derek Densaýlyq saqtaý mınıstrliginiń derekter bazasynan alynady. Laborotorııalyq zertteýlerdiń nátıjesi boıynsha árbir azamattyń statýsy sol bazaǵa engizilip otyrady. Eger sizde óz statýsyńyzǵa baılanysty kúdik bolsa, aldaǵy 2-3 kúnde barlyq BAQ-ta saıttyń siltemesi jarııalanady. Sol saıtqa kirip, QR-kod arqyly óz statýsyńyzdy teksere alasyz. Ekinshi joly boıynsha azamattardy sońǵy tapsyrǵan PTR-testiń nátıjesin basshylyqqa alýǵa shaqyrǵym keledi», - dedi mınıstrdiń orynbasary.