Qazaqstandyqtar arasynda koreı tilindegi shyǵarmaǵa baıqaý jarııalandy
Baıqaý onlaın formatta ótedi. Oǵan Koreı mádenı ortalyǵynyń til kýrstarynda oqıtyndar, sonymen qatar koreı tilin úırenip júrgen barlyq qazaqstandyq qatysa alady. Bul baıqaý qazaqstandyqtardy koreı tilin úırenýge yntalandyrý, tildi úırenýin odan ary jalǵastyrý maqsatynda ótkiziledi», - delingen ortalyq taratqan aqparatta.
Sonymen «Sheshendik sheberlik» baıqaýyna nıet tanytqan azamattar sóz sóıleý mátin 2021 jyldyń 17 mamyry men 20 maýsymy aralyǵynda Koreı mádenı ortalyǵynyń elektrondy poshtasyna jiberýi qajet. Aldyn ala irikteý barysynda kelip túsken barlyq ótinimderdiń ishinen mátinin jaqsy jazǵan 15-20 qatysýshy irikteledi. Olar koreı tilindegi sheshendik sheberlikterin, daǵdylaryn 2 shilde kúni ótetin fınaldyq irikteý barysynda Skype vıdeokonferentsııasy arqyly onlaın rejımde dáleldeıtin bolady.
Al «Koreı tilinde shyǵarma» baıqaýyna qatysýǵa nıet tanytqandar 2021 jyldyń 17 mamyry men 20 maýsymy aralyǵynda jazǵan shyǵarmalaryn jiberip úlgerýi tıis. Buǵan qosa, shyǵarmanyń qazaq nemese oryn tilindegi aýdarmasy da qosa berilýi shart. Kelip túsken ótinimderdi qaraý nátıjesinde úzdik jazylǵan 5 shyǵarma avtory marapatqa ıe bolady.
Jalpy, eki baıqaýda 3 jeńimpaz anyqtalady. ıAǵnı, sheshendik sheberlikten 1-2-oryndar berilse, shyǵarma jazýda birinshi oryn ǵana bar. Bul jeńimpazdar Koreı Respýblıkasyna qysqa merzimdi mádenı-tanymdyq saparǵa barady. Alqalǵan qatysýshylarǵa Koreı mádenı ortalyǵy atynan sertıfıkattar men yntalandyrý syılyqtary beriledi.