Qazaqstandyqtar aptasyna kem degende 2 saǵatyn volonterlikke arnaýy tıis – Toqaev
«Volonterlik – bul tek tegin jumys emes, ol azamattyń jaýapkershiligi men álemdi jaqsartýǵa daıyndyǵynyń kórsetkishi. BUU málimetinshe, volonterliktiń álemdik ekonomıkaǵa úlesi jylyna 400 mlrd dollardan astamdy quraıdy. Volonterlikti birrettik senbilik pen ekologııalyq shara, chellendj retinde qabyldaý – qatelik. Degenmen, olar da mańyzdy ári qajetti. Sondyqtan, qoldaımyn. Volonterlik – bul júıeli ári turaqty qyzmet»,- dedi Memleket basshysy.
QR Prezıdenti bizdi qorshaǵan tabıǵat qana emes, adamdar da qamqorlyq pen kómekke zárý ekendigin aıtty.
«Elimizde shamamen 700 myńǵa jýyq múmkindigi shekteýli adam bar. Olardy qoldaýǵa memleket osy jyly 34 mlrd teńgeden astam qarajat jumsady. Degenmen, másele tek qana qarjylandyrýda emes. Eńbekke qabiletti azamattar aptasyna tym bolmaǵanda 2 saǵatyn áleýmettik volonterlikke arnap, osy adamdarǵa nazar aýdarýy qajet. Volonterlikti ulttyq aýqymda ǵana emes, árbir qalada, aýylda damytý qajet. Volonterler balalar alańdaryn syrlap, úılerdiń kire beristerin, aýmaqtardy qoqystan tazalap, qart adamdarǵa nemese erekshe qajettiligi bar adamdarǵa kómektese alady», - dedi Memleket basshysy.