Qazaqstandyqtar 700 ekologııalyq taza avtokólik satyp alǵan

ASTANA. QazAqparat - QR Energetıka mınıstri Qanat Bozymbaev elimizdegi ekologııalyq taza avtokólikterdiń óndirisin damytý týraly aıtty, dep habarlaıdy «QazAqparat» HAA tilshisi.

Mınıstrdiń sózine súıensek, Qazaqstanda eklogııalyq taza avtokólikterdi satyp alǵandarǵa 315 myń teńgeden 650 teńgege deıin jeńildik sertıfıkattary beriledi.

«Búgingi tańǵa deıin ekologııalyq taza kólikti satyp alǵandarǵa 170 mıllıon teńge berildi. Qazaqstandyqtar 700 jańa ekologııalyq taza avtokólik satyp aldy», - deıdi UEU ókilderimen kezdesý ótkizgen mınıstr.

Qazirgi ýaqytta 2016 jyly qabyldanǵan óndirýshilerdiń keńeıtilgen mindettemeleri (ÓKM) qaǵıdatyna sáıkes, elimizde quny 7,9 mıllıard teńgelik 23 myń jeńildik sertıfıkaty bar. Sonymen birge, Qanat Bozymbaev óz sózinde ÓKM arqyly elektrmen qamtý stantsııalaryn (elektrozapravochnye stantsıı) salý jobasyn damytý máselesin atap ótti.

«Astana men Almatyda jýyq arada 100 birdeı elektrmen qamtý stantsııalary salynady», - deıdi mınıstr.