Qazaqstandyqtar 600 bilim platformasyn tegin paıdalana alady

NUR-SULTAN. QazAqparat – Jańa oqý jylynda jelidegi 600 bilim berý platformasyn tegin paıdalanýǵa bolady. Bul týraly Tsıfrlyq damý, ınnovatsııalar jáne aeroǵarysh ónerkásibi birinshi vıtse-mınıstri Baǵdat Mýsın aıtyp berdi, dep habarlaıdy QazAqparat tilshisi.

«Bilim berý platformalary úshin serverlerdi Qazaqstanǵa ákelip qana qoımaı, olardy respýblıkalyq ınternet jelisine júkteme az bolatyndaı etip ornalastyrdyq. ıAǵnı, biz serverlerdi lokalızatsııaladyq. Tanymal otandyq Bilimland platformasy bar. Onymen kóptegen ákimdikter kelisim jasaıdy, sondyqtan biz trafıkti tek jaqyn derekter ortalyǵyna jetkizý úshin onyń serverlerin 10 data-ortalyqqa ornalastyrdyq. Buryn barlyǵy Almaty arqyly ótetin jáne bul trafıkti uıymdastyrýda, resýrstyń qoljetimdi etýde qıyndyq týdyratyn», - dedi Baǵdat Mýsın «Jańa oqý jyly – jańa múmkindikter» taqyrybyndaǵy onlaın konferentsııada .

Mınıstrlik osy bilim berý platformalaryna durys baǵyttaý jáne baptaý turǵysynan kómektesken. Sonymen birge, ótken oqý jylynyń tórtinshi toqsanynda 380 ınternet-resýrs bolǵan, operatorlar olardy tegin paıdalanýǵa bergen.

«Bul joly BǴM usynysymen balalardyń damýyna áser etetin 600 bilim berý platformasy men alańyna kirýdi tegin ettik. ıAǵnı, osy 600 saıttyń kez kelgenin ashsańyz, SIM kartańyzdaǵy kez kelgen tarıftik josparyńyz jumsalmaıdy», - dep túsindirdi B. Mýsın.