Qazaqstandyqtar 578 myń temirjol bıletin ótkizgen

NUR-SULTAN. QazAqparat – Jolaýshylar poıyzynda bıletterdi qaıtarý jaǵdaıy turaqtandy. Qazirgi ýaqytta «Jolaýshylar tasymaly» AQ bıletter kassasyna 3,6 mlrd teńgeniń bıletteri tapsyrylǵan. 12-26 naýryzda qazaqstandyqtar 578 myń temirjol bıletterin ótkizgen, dep habarlaıdy QazAqparat «Qazaqstan temir joly» UK» AQ baspasóz qyzmetine silteme jasap.

Vokzaldarda paıdalanylmaǵan bıletterdi ótkizý týraly habarlandyrý aıtylýda. Temirjol qyzmetkerleri bılet kassalarynda bir-birinen 2 metr qashyqtyq ustaý kerektigin túsindirip jatyr.

Jolaýshylar poıyzynda jolserikter jolaýshylardyń densaýlyǵyn qadaǵalaýda. Vagondardy jınaý kestege sáıkes júrgizilip jatyr jáne dezınfektsııa jasaý erejeleri saqtalýda.

Belgili bolǵandaı, 2020 jyldyń 19 naýryzynda Nur-Sultan men Almaty qalalarynda osy jyldyń 22 naýryzynan bastap karantın engiziletini jarııalanǵannan keıin eki qalaǵa barlyq baǵyttaǵy jolaýshylar poıyzynyń qozǵalysy toqtatyldy. Qazaqstandyqtardyń bıletterdi qaıtaryp jatqany nazarǵa alyna otyryp, kelýshiler vokzalǵa tek maskamen bir esikten kirip jatyr. Perronǵa shyǵatyn jol tolyqtaı jabyldy.

Nur-Sultan men Almaty qalalaryndaǵy vokzaldarda barlyq saýda nysandary jabyq tur. Jalǵa alýshylarmen kelisim karantın kezinde toqtatyldy.