Qazaqstandyqtar 31 naýryzǵa deıin medsaqtandyrý mártebesin alýy kerek

NUR-SULTAN. QazAqparat - Elordada byltyrmen salystyrǵanda konsýltatsııalyq-dıagnostıkalyq qyzmetterdi qarjylandyrý 3,8 esege ósti, dep habarlaıdy QazAqparat tilshisi.

«Jyl basynan beri kompıýterlik tomografııa, magnıtti rezonansty tomografııa, medıtsınalyq-genetıkalyq zertteýlerdi qosa alǵanda qymbat turatyn zertteý túrlerin jáne basqa da zerthanalyq qyzmetterdi MÁMS paketi aıasynda Qor jetkizýshi-medıtsınalyq uıymdar kórsetedi. Patsıentterge joldamany ýchaskelik dárigerler, jalpy praktıka dárigeri nemese salalyq maman beredi. Nur-Sultan qalasyndaǵy medıtsınalyq uıymdarda respýblıkalyq jáne jeke qyzmetterdi qosa alǵanda medıtsınalyq qyzmetterdi jetkizýshi tizimine engen 17 KT jáne 19 MRT qurylǵysy bar», - deıdi «Áleýmettik medıtsınalyq saqtandyrý qorynyń» Nur-Sultan qalasy boıynsha fılıalynyń dırektory Aıdar Sıtkazınov búgin ótken baspasóz týrynda.

Sondaı-aq, aǵymdaǵy jyldyń 1 sáýirine deıin shartty túrde saqtandyrylǵan QR azamattaryna MÁMS júıesinde qyzmet kórsetiledi jáne medıtsınalyq qyzmetterdi tolyq kólemde ala alady.

«2020 jyldyń 1 sáýirinen bastap saqtandyrylmaǵan patsıentter kepildendirilgen tegin medıtsınalyq qyzmet kólemi sheńberinde ǵana medıtsınalyq kómek ala alatyn bolady. Al mindetti áleýmettik medıtsınalyq saqtandyrý sheńberinde de medıtsınalyq qyzmetterdi alý múmkindigi bolýy úshin 31 naýryzǵa deıin saqtandyrylǵan adam mártebesin alý mańyzdy», - deıdi ol.