Qazaqstandyqtar 10 maýsymda Kúnniń tutylý qubylysyn kóre alady
Mamandardyń esebinshe, bıyl eki ret aı, eki ret kún tutylýy yqtımal. 10 maýsymda aı kúnniń betin kólegeılep, sonyń áserinen Kún tutylmaq. Tabıǵı qubylystyń eń qanyq kórinisi Soltústik Amerıkada, Soltústik Muzdy muhıtta jáne Reseıdiń soltústik-shyǵys bóliginde, Chýkotkada baıqalýy múmkin.
Qazaqstan aýmaǵynda tutylýdyń tek jekelegen fazalary ǵana kórinýy múmkin. Tipti kúndi arnaıy baqylamasa, onyń betindegi qubylysty ańǵarmaı qalýǵa da bolady. Mamandardyń aıtýynsha, qazaqstandyqtar bul sátti 10 maýsym kúni tústen keıin kórýi múmkin.
Bizden bólek Reseı, Ýkraına, Belarýs, Baltyq elderi, Moldova, Ózbekstan, Qyrǵyzstan jáne Tájikstan turǵyndary da osyndaı sátke kýá bola alady. Al ıAkýtııanyń soltústik-shyǵysynda Aı Kúnniń betin 94 paıyzǵa deıin jabýy yqtımal.
Jyldyń ekinshi Kún tutylý qubylysy 4 jeltoqsanǵa dóp keledi. Biraq ony tek Antarktıda men onyń aınalasynan ǵana kórýge bolady.
Avtory: Sara Qabıqyzy