Qazaqstandyqtar 1,2 myń qarýdy óz erkimen polıtsııaǵa tapsyrdy
11:54, 20 Maýsym 2022
NUR-SULTAN. QazAqparat – El azamattary 1,2 myń qarýdy polıtsııaǵa óz erikterimen tapsyrdy. Bul týraly QR Іshki ister mınıstrliginiń ókili Shuǵyla Turlybek málim etti, dep habarlaıdy QazAqparat tilshisi.
«Іshki ister mınıstrligi turǵyndardan zańsyz saqtalǵan atys qarýlaryn, oq-dári men jarylǵysh zattardy satyp alý respýblıkalyq aktsııasyn jalǵastyryp jatyr. Qarý-jaraqty óz erkimen tapsyrǵan azamattarǵa ár qarýdyńjaı-kúıine baılanysty 10-nan 100 aılyq eseptik kórsetkishke deıingi soma tóleý kózddelgen. Aktsııa ótkizilgen 2 aıdyń ishinde polıtsııaǵa azamattar 1 232 birlik qarý men 9 myńnan astam oq-dárini óz erikterimen tapsyrdy», - dedi Shuǵyla Turlybek mınıstrliktiń baspasóz alańynda ótken brıfıng barysynda.
Onyń atap ótýinshe, tapsyrylǵan barlyq qarý-jaraq Іshki ister mınıstrliktiń derekter bazasy arqyly krımınaldyq saraptamadan ótkiziledi.