Qazaqstandyq jýrnalısterge N.Nazarbaevtyń «Vremena ı dýmy» kitaby syıǵa tartyldy

ASTANA. QazAqparat - Jýrnalısterdiń kásibı merekesi qarsańynda Ult kóshbasshysy kitaphanasynyń atqarýshy dırektory Beısembek Jumabekov BAQ ókilderine erekshe syılyq - QR Prezıdentiniń «Vremena ı dýmy» kitabyn tabystady.

«Eń basty qundylyq - bul kitap. Elbasynyń bul týyndysy jeke kitaphanalaryńyzdyń tórinen oryn alady dep oılaımyn», - dedi B.Jumabekov qazaqstandyq jýrnalısterdi quttyqtaý barysynda.

«Jýrnalısterde demalys joq. Olar únemi tynymsyz jumys ústinde. Sondyqtan eńbekterińiz erekshe. Halyqty memleketimizde bolyp jatqan barlyq aqparatpen habardar etip otyrasyzdar. Sondyqtan kúrdeli eńbekterińiz úshin alǵys bildirgim keledi, shyǵarmashylyq tabystar tileımin, kásibı merekelerińiz qutty bolsyn!», - dep atap ótti ol. «Vremena ı dýmy» kitabynda Ult kóshbasshysy - QR Tuńǵysh Prezıdenti N.Nazarbaevtyń danalyq oılary men naqyl sózderi jınaqtalǵanyn aıta keteıik. Munyń bári onyń ár jylǵy maqalalarynan, kitaptarynan, sóılegen sózderinen jınaqtaldy. Olar san alýan taqyrypty qamtıdy. Aıtýly tulǵanyń fılosofııalyq oı-tolǵamdarynan basqa, munda zamanaýı Qazaqstannyń tutas beınesi men tarıhı kórinisi pash etilgen. Nursultan Nazarbaevtyń halyq jyly qabyldaǵan budan buryn shyqqan jınaqtary: «Týǵan elim - Tipegim» (2001), «Ózekjardy oılar» (2003), «Oı bólistim halqymmen» (2006), «Myslıamı s narodom podelıýs» (2007). Oqyrmandar ortasynda suranysqa ıe bolǵandyqtan, olar bıblıografııalyq sırek týyndyǵa aınaldy. Sol jınaqtardyń qısyndy jalǵasy retinde shyqqan «Vremena ı dýmy» kitaby mazmuny jaǵynan erekshelenedi: ol 2007-2013 jyldardaǵy materıaldarmen shektelmeı, ótken nusqalarǵa kirmegen erte jyldardaǵy oı-tolǵamdarymen tolyqtyrylǵan.