Qazaqstandyq juldyzdar Otan qorǵaýshy kúni qurmetine selfı-aktsııany qoldady (FOTO)
«Er azamattardy 7 mamyr merekesimen quttyqtaý úshin jaı ǵana ózińniń paraqshańda merekelik akvagrım bar vıdeo nemese fotony ornalastyryp, selfı jasap nemese shaǵyn vıdeo túsirý jetkilikti. Aktsııa #kzarmy jáne #7mamyr heshtegimen áleýmettik jelilerde bastalady», dep habarlady QR Qorǵanys mınıstrliginiń baspasóz qyzmeti.
Kez kelgen qalaǵan adam áleýmettik jelilerde foto nemese vıdeosymen bólisip, týǵan-týysqandaryna, dostaryna jáne áriptesterine quttyqtaý grıminiń estafetasyn usyna alady. Akvagrım meıram sımvoly túrinde oryndalyp, qolǵa salynýy tıis. Bul ıdeıany qoldap, qorǵaýshylarymyzdy aıryqsha «jaýyngerlik boıaýmen» boıap, quttyqtaǵandardyń arasynda alǵashqylardyń biri qazaqstandyq estrada juldyzdary Roza Rymbaeva, Aıgúl Imanbaeva, Tamara Asar, Maıra Іlııasova, Serik Ibragımov, telejúrgizýshi Láılá Sultanqyzy jáne taǵy basqalar boldy.
Otan qorǵaýshylar kúni qarsańynda barsha el osynaý mańyzdy memlekettik merekeni keńinen atap ótetinin aıta keteıik. Áskerı bólimder men bólimshelerde saltanatty sap túzeýler ótkizilip, jaýyngerlik jáne oqý-jattyǵý daıarlyqtarynda erekshe kózge túsken azamattar marapattalady. Soǵys jáne eńbek ardagerlerine erekshe qurmet kórsetilip, olardyń qatysýymen mektep oqýshylaryna arnap erlik sabaqtary ótkiziledi. Bilim berý mekemelerinde merekelik erteńgilikter, baıqaýlar, áskerı-qoldanbaly sport túrlerinen jarystar, sondaı-aq saltanatty sap túzeýler ótkiziledi.
Bıyl Otan qorǵaýshylar kúni 2016 jyldyń tarıhı ataýly datasy - Qazaqstannyń memlekettik táýelsizdiginiń 25 jyldyǵy jáne «Máńgilik el» tuǵyry - Qýatty Armııa!» biryńǵaı urany aıasynda ótedi.