Qazaqstandyq júkterdi Rotterdam arqyly qabyldaý men jóneltýde problema joq – port ákimshiligi

NUR-SULTAN. QazAqparat - Qazaqstannyń Nıderlandtaǵy Elshisi Asqar Jumaǵalıev Rotterdam porty ákimshiliginiń Bas dırektory Allard Kasteleınmen onlaın kezdesti, dep habarlaıdy QazAqparat QR Syrtqy ister mınıstrliginiń baspasóz qyzmetine silteme jasap.

Suhbat barysynda A.Kasteleın Qazaqstannyń Ýkraınadaǵy jaǵdaıǵa baılanysty ustanymy týraly, QR Prezıdenti Q.Toqaevtyń ýkraın tarapyna gýmanıtarlyq kómek kórsetý týraly sheshimi jaıly habardar etildi.

Qazaqstan Elshisi reseılik-ýkraın daǵdarysyna oraı qazaqstandyq taýarlardyń Rotterdam porty arqyly úzdiksiz ótýin qamtamasyz etý mańyzdylyǵyn atap ótip, QR-dyń logıstıka salasynda atqaryp jatqan jumysyna toqtaldy.

Óz kezeginde Bas dırektor qazaqstandyq júkterdi Rotterdam porty arqyly qabyldaý men jóneltýde problemalar joq ekenin, ári júk tranzıti boıynsha sońǵy ýaqyttarda týyndap jatqan máselelerdiń barlyǵy arnaıy qurylǵan jumys toby sheńberinde qarastyrylatynyn atap ótti.

Suhbattas QR Elshisiniń port jáne qazaqstandyq seriktester arasyndaǵy kólik-logıstıka salasy boıynsha ekijaqty úılesimdilikti jaqyn arada jolǵa qoıýǵa qatysty usynysyna qoldaý bildirdi.