Qazaqstandyq JOO-larda aǵylshyn tilin oqytý ádistemesin túbegeıli ózgertý qajet - D.Bolathanuly

ASTANA. QazAqparat - Elimizdiń JOO-larynda stýdentterdi úsh tildi oqytýmen qamtý ózekti bolyp qalýda, dep málimdedi QR Mádenıet jáne sport mınıstrligi bilim berý, ǵylymı qyzmet jáne halyqaralyq yntymaqtastyq departamentiniń dırektory Dinıslam Bolathanuly.

«Stýdentterdi úsh tildi oqytý baǵdarlamasymen qamtý ózekti bolyp qalýda. Stýdentterge arnalǵan aǵylshyn tilindegi bilim baǵdarlamalarynyń sany jetkiliksiz. Aǵylshyn tilin oqytý ádistemesin túbegeıli ózgertý qajet», - dedi ol 2016-2019 jyldarǵa arnalǵan QR-dyń bilim berýin damytý memlekettik baǵdarlamasyn túsindirý boıynsha semınar barysynda.

Departament basshysy basa aıtyp ótkendeı, qazirgi tańda qoǵamda úsh tildi bilim berý máselesi qyzý talqylanýda, dep jazady primeminister.kz.

«Qazir oqyp jatqan stýdentter - bolashaq mamandar, olar osy JOO-da sapaly bilim aldyq, aǵylshyn tilin jaqsy meńgerdik dep aıta alýy tıis. ıAǵnı, bul jerde aǵylshyn tilinde mamandar daıarlaýdyń deńgeıli ádisi bolýy tıis», - dedi D.Bolathanuly.