Qazaqstandyq JOO-da qazaq-koreı reabılıtologııa kafedrasy ashylady
QR Densaýlyq saqtaý mınıstrliginen málim etkendeı, taraptardyń kezdesýi Koreıa Prezıdentiniń Qazaqstanǵa resmı sapary aıasynda ótti.
Budan bólek mınıstrler densaýlyq saqtaý salasyndaǵy qazaq-koreı qarym-qatynasy, Koreıadan IT-tehnologııany úırený, medıtsınalyq saqtandyrý, medıtsınalyq týrızm men bilim berýdi damytý máselelerin talqylady.
Atap ótilgendeı, Koreıadaǵy bedeldi memlekettik medıtsınalyq mekemelerde otandyq dárigerlerdi daıyndyqtan ótkizý, mandardyń biliktiligin arttyrý josparlanyp otyr. Sondaı-aq kardıologııa, onkologııa, jedel medıtsınalyq kómek, reprodýktıvtik medıtsına jáne basqa da salalarda tájirıbe alamasý kózdelgen.
«Qol qoıylǵan Qazaqstan-Koreıa arasyndaǵy arnaıy baǵdarlama eki eldiń densaýlyq saqtaý salasyndaǵy qarym-qatynastyń nyǵaıa túskenin kórsetedi», - dedi Eljan Birtanov.
Taraptar memlekettik-jekeshelik áriptestik aıasynda, sondaı-aq reabılıtatsııa kafedrasyn ashýǵa, medıtsınalyq ǵylym men bilimge, medıtsınalyq aqparattyq tehnologııaǵa qatysty memorandýmdarǵa qol qoıyldy. Kelisimshart Koreıa men Qazaqstannyń Ulttyq onkologııalyq ortalyqtary arasynda da jasaldy.
«Koreıanyń Densaýlyq saqtaý jáne áleýmettik qamtý mınıstri Pak Nyn Hý Qazaqstannyń densaýlyq saqtaý salasynynyń elektrondyq aqparattyq tehnologııaǵa kóshýin joǵary baǵalady. Jáne eki eldiń bul baǵyttaǵy baılanysynyń bolashaǵy zor ekenin aıtty», - delingen baspasóz baıanynda.
Pan Nyn Hýdyń aıtýynsha, Qazaqstan men Koreıanyń densaýlyq saqtaý salasynda onkologııalyq kómekti damytý, azamattardy jappaı skrınıngten ótkizý syndy uqsas, ortaq sharalar kóp.
Kezdesý sońynda Eljan Birtanov Qazaqstan Koreıa usynǵan birlesken ınvestıtsııalyq jobalarǵa qatysý máselesin qarastyrýǵa, densaýlyq saqtaý júıesin modernızatsııalaýǵa baǵyttalǵan ozyq tehnologııalardy úırenýge, tájirıbe almasýǵa daıyn ekenin jetkizdi.