Qazaqstandyq JOO alǵash ret THE WUR by Subject reıtıngine kirdi

ALMATY. QazAqparat - Ál-Farabı atyndaǵy QazUÝ «Times Higher Education World University Rankings by Subject 2021» pándik reıtıngisiniń qorytyndysy boıynsha ǵylymı kórsetkishterin jaqsartyp, birqatar mamandyqtar boıynsha pozıtsııasyn kúsheıtti.

THE WUR by Subject-te 11 pán boıynsha álemniń 1500-den astam úzdik ýnıversıtetteri zerdelendi. Jahandyq reıtıng ádisnamasy kórsetkishterdiń bes tobyna biriktirilgen jáne joǵary oqý oryndarynyń ǵylymı-zertteý qyzmetiniń túıindi salalaryn kórsetetin 13 basty ındıkator negizinde jasalady.

Reıtıngti jasaýǵa arnalǵan maǵlumattar úsh derekkózden jınalady, olar: statıstıkalyq aqparat, Scopus bıblıometrıkalyq bazasy jáne akademııalyq sarapshylardan suraý.

Ótken jylmen salystyrǵanda qazaqstandyq jetekshi ýnıversıtet óz kórsetkishterin aıtarlyqtaı jaqsartty jáne THE WUR by Subjec pozıtsııasyn nyǵaıtty.

Reıtıngte QazUÝ-dyń bıznes jáne ekonomıka salasyndaǵy mamandyqtary (501-600), ınjenerııa (601-800), fızıkalyq ǵylymdar (801-1000) sondaı-aq, áleýmettik ǵylymdar (601+) boıynsha mamandyqtar ataldy.

QazUÝ 2020 jyly QS jahandyq reıtıngisiniń nátıjeleri boıynsha aldyńǵy qatarly ýnıversıtetter tiziminde 165-shi orynǵa ıe bolyp, álemniń úzdik 200 JOO-nyń qataryna engenin atap ótken jón.

TMD elderinen bul topqa tek Lomonosov atyndaǵy MMÝ jáne ál-Farabı atyndaǵy QazUÝ endi.

Zertteý ýnıversıtetine aınala otyryp, jetekshi qazaqstandyq JOO basqa da álemdik deńgeıde moıyndalǵan reıtıngterde serpindi ilgerileýdi jalǵastyrýda.