«Qazaqstandyq jol» kóptegen sheteldik ǵalymdardyń qyzyǵýshylyǵyn týdyrdy - depýtat V. Rogalev

ASTANA. QazAqparat - Astanada Qazaqstan halqy Assambleıasynyń 20 jyldyǵyna arnalǵan «Qazaqstandyq jol: Birlik. Patrıotızm. Reformalar» atty halyqaralyq konferentsııada eldiń kezeń-kezeńmen damýynyń «Qazaqstandyq jol» modeli sheteldik kóptegen ǵalymdardyń qyzyǵýshylyǵyn týdyrdy.

Bul týraly búgin QR Parlamenti Májilisiniń depýtaty Vıktor Rogalev málim etti.

Atap aıtqanda, búgingi forým barysynda qatysýshylar polıetnıkalyq jáne polıkonfessıonaldyq qoǵamdy damytýda, sondaı-aq halyqaralyq turaqtylyqty, qoǵamdyq kelisim men ulttyq birlikti qamtamasyz etýdegi Qazaqstan men Elbasy Nursultan Nazarbaevtyń úlesin jáne ózge ózekti máselelerdi talqylady.

«Osy konferentsııa Álemdik jáne dástúrli dinder kóshbasshylarynyń V sezinen keıin ótip otyr. Konferentsııaǵa kóptegen elderdiń ókilderi qatysty. Atap aıtqanda, barlyq spıkerler qazirgi Qazaqstannyń modeli, ıaǵnı Nursultan Nazarbaevtyń «Qazaqstandyq jol» modeline erekshe nazar aýdarý kerektigin, sonymen ony zertteýge mán berý qajettigin alǵa tartýda»,-dedi depýtat Ortalyq kommýnıkatsııalar qyzmetindegi brıfıngte.

Aıta keteıik, búgingi konferentsııaǵa Parlament Májilisiniń spıkeri Qabıbolla Jaqypov, Belarýs Respýblıkasy Ulttyq Jınalysy Ókilder palatasynyń Tóraǵasy Vladımır Andreıchenko, Qyrǵyz Respýblıkasy Jogorký Keneshiniń tóraǵasy Asylbek Jeenbekov, sondaı-aq Aýǵanstan, Qazaqstan, Reseı, Tájikstan, Túrkimenstan depýtattary, QHA ókilderi men halyqaralyq uıymdardyń qyzmetkerleri qatysty.