Qazaqstandyq jeńil atletter Ýnıversıadada bıiktikke sekirýden fınalǵa shyqty

BEIJІŃ. QazAqparat - Qytaıdyń Chendý qalasynda ótip jatqan HHHІ Dúnıejúzilik jazǵy Ýnıversıadada bıiktikke sekirýden qazaqstandyq sportshylar Nadejda Dýbovıtskaıa men Krıstına Ovchınnıkova fınalǵa shyqty, dep habarlaıdy QazAqparat tilshisi.

Іrikteý jarysynyń qorytyndysy boıynsha úzdik nátıje kórsetken 12 sportshy fınalǵa shyqty. Ár topta synǵa túsken qazaqstandyq sportshylar Nadejda Dýbovıtskaıa men Krıstına Ovchınnıkova sáıkesinshe 1,84 jáne 1,80 upaı jınap, jarystyń fınaldyq kezeńine joldama aldy.

Bıiktikke sekirý fınalynda barlyǵy 12 sportshy synǵa túsedi. Fınal 6 tamyzda Chendý qalasyndaǵy (Sychýan provıntsııasy, Qytaı) «Shýanlıý» stadıonynda Beıjiń ýaqytymen 18:30-da bastalady.

6 tamyz kúngi saǵat 12:00 (jergilikti ýaqyt) boıynsha Qazaqstan medaldyq esepte 19-shy orynda. Qazaqstan quramasynyń qorjynynda 19 medal bar: eki altyn, jeti kúmis jáne 10 qola. Qytaı kósh bastap tur (141 medal: 78 altyn, 33 kúmis jáne 30 qola). Ekinshi orynda Japonııa (74:19-24-31), úshinshi orynda Ońtústik Koreıa (50:17-15-18).