ASTANA. QazAqparat – Qazaqstandyq jeńil atlet Ivan Ivanov Taıland astanasy Bangkokta jeńil atletıkadan ótip jatqan Azııa chempıonatynyń qola júldegeri atandy, dep habarlaıdy QazAqparat tilshisi.
Ulttyq olımpıada komıtetinen málim etkendeı, Ivan Ivanov ıadro ıterýden úzdik úshtikke ilikti.
Bul synda úndistandyq Sıngh Týr Tajınderpal ıadrosyn 20.23 metrge ıterip, chempıon atansa, ırandyq Saberı Mehdı (19.98) kúmis júldege qol sozdy.
Ivanov 19.87 metr nátıjemen qola medaldi jeńip aldy.
Bul – Qazaqstan qorjynyna túsken tórtinshi medal.
Osyǵan deıin Shedrak Koech Kımýtaı 10 myń metrge júgirýden máre syzyǵyn ekinshi bolyp qıdy.
Al bıiktikke sekirýden Krıstına Ovchınnıkova birinshi, Elızaveta Matveeva ekinshi orynǵa kóterildi.
Eske sala keteıik, budan buryn Krıstına Ovchınnıkovanyń jeńil atletıkadan Azııa chempıony atanǵanyn jazǵan bolatynbyz.
Ǵaısaǵalı Seıtaq
1980 jyly A. Pýshkın atyndaǵy Oral pedagogıkalyq ınstıtýtyn (M. Ótemisuly atyndaǵy BQÝ) qazaq tili men ádebıeti mamandyǵy boıynsha bitirgen. Tasqala aýdandyq «Ekpin» gazetinde tilshi, bólim meńgerýshisi boldy. Oblystyq «Oral óńiri» gazetinde tilshilikten bas redaktorlyqqa deıingi joldan ótti. «Jaıyq Press» JShS bas dırektorynyń birinshi orynbasary qyzmetin atqardy. 2000 jyldan beri Kazinform halyqaralyq aqparat agenttiginiń BQO-daǵy menshikti tilshisi. Qazaqstan Jazýshylar jáne Jýrnalıster odaǵynyń múshesi. Respýblıkalyq «Jalyn» jýrnaly belgilegen Tólegen Aıbergenov atyndaǵy syılyqtyń (1987) jáne sport jýrnalısteri arasynda Seıdahmet Berdiqulov atyndaǵy syılyqtyń laýreaty (2015). «Eren eńbegi úshin» medaliniń ıegeri. Halyqaralyq «Alash» ádebı syılyǵynyń laýreaty (2024).