Qazaqstandyq jastardyń basym kópshiligi eldegi saıası ahýaldy turaqty dep sanaıdy - áleýmettik saýalnama nátıjeleri

ASTANA. 22 qarasha. QazAqparat /Arman Asqarov/ - Qazaqstandyq jastardyń basym kópshiligi eldegi saıası ahýaldy turaqty dep sanaıdy. ÚEU-Astana Qoldaý ortalyǵy júrgizgen respýblıkalyq áleýmettik saýalnama qorytyndysyn osy uıym tóraǵasynyń orynbasary Elena Gýbýshkına ǵylymı-tájirıbelik konferentsııa barysynda jarııa etti.

Onyń aıtýynsha, «qazirgi kúni respondentterdiń jartysynan kóbi (51,5 paıyz) saıası ahýaldy turaqty dep baǵalaıdy», 32,8 paıyzy - ony sátti dep sanaıdy. Saýalnamaǵa qatysýshylardyń tek 12,9 paıyzy eldegi saıası-qoǵamdyq jaǵdaıdy teris baǵalady.

«Sóıtip, jaǵymdy baǵalardyń jalpy kórsetkishi 84,3 paıyzdy qurady, ol eldegi qoǵamdyq-saıası ahýaldyń turaqty ekendigin kórsetedi», - dep atap ótti E.Gýbýshkına.