Qazaqstandyq jasóspirim tennısshi Bakýde absolıýtti chempıon boldy

ASTANA. QazAqparat – Qazaqstandyq Іlııas Maratuly Ázerbaıjan astanasy Bakýde 18 jasqa deıingiler arasynda ITF Juniors týrnıriniń absolıýtti chempıony atandy, dep habarlaıdy QazAqparat tilshisi.

Qazaqstandyq tennısshi jekeleı synda fınalda jergilikti oıynshyny 6:3, 6:3 esebimen jeńdi.

І.Maratuly juptyq synda qaraǵandylyq Vıtalıı Zatsepınmen birge sońǵy básekede túrkııalyq aǵaıyndy Týrgýttardy 7:6, 6:1 esebimen utty.

Bakýde sondaı-aq qyzdar arasynda qazaqstandyq Ýlıana Romanova juptyq synda reseılik Kıra Bataıkınamen birge úzdik shyqty. Olar reseılikterden 7:5, 6:2 esebimen basym tústi.

Almatyda TsSKA korttarynda 14 jasqa deıingiler arasynda Tennis Europe dodasy meresine jetti. Munda Erkejan Jańataeva absolıýtti jeńimpaz boldy. Ol jekeleı synda tartysty básekede reseılik Krıstına Krýchenkodan jeńisti julyp aldy – 4:6, 6:3, 6:2. Al juptyq synda Sábına Shýhratovamen birge fınalda Evelına Balaganskaıa men Álııa Omarbekti qapy qaldyrdy.

Bozbalalar arasynda qazaqstandyq Anatolıı Tsybýlko belorýssııalyq Ratmır Pýlkevıchpen birge fınalda Rodıon Traıgel – ıAroslav Pshenıchnyıdan aılasyn asyrdy. ıAroslav sondaı-aq jekeleı synda fınalǵa deıin jetti.

Eske sala keteıik, budan buryn Elena Rybakınanyń Rım masters týrnıriniń fınalyna shyqqanyn jazǵan bolatynbyz.

Elena Rybakına Monıka Selesh pen Marııa Sharapovanyń jetistigin qaıtalady.

Sondaı-aq Anna Danılına Parıjdegi jarystyń jeńimpazy atandy.

Jibek Qulambaeva Serbııadaǵy týrnırde jeńiske jetti.

Andreı Golýbev juptyq synda Týrın týrnıriniń jeńimpazy atandy.