Qazaqstandyq jas tennısshiler Tegerandaǵy dodanyń fınalyna ótti

ASTANA. QazAqparat – Qazaqstandyqtar Zańǵar Nurlanuly men Jaqas Qozybaq juptyq synda Iran astanasy Tegeranda 18 jasqa deıingiler arasynda ITF Juniors J100 TEHRAN serııasy boıynsha ótip jatqan ekinshi týrnırdiń fınalyna shyqty, dep habarlaıdy QazAqparat tilshisi.

Qazaqstan tennıs federatsııasynyń baspasóz qyzmetinen málim etkenindeı, Z.Nurlanuly úndistandyq Krısh Tıadjımen birge sońǵy básekede J.Qozybaq – reseılik Dmıtrıı Býrttsevpen bas júldeni sarapqa salady.

Qaı jeńgeni chempıon atanady.

Jekeleı synda Zańǵar men Jaqas shırek fınalǵa deıin jetip, tartysty matchta qarsylastaryna jol berdi.

Jekeleı synda Danıal Rahmatýllaev (284 ITF Juniors) tabysty óner kórsetýde. Ol shırek fınalda úndistandyq Hıtesh Chýhandy bet qaratpaı utty – 6:1, 6:0. Aqtaý tennıs mektebiniń túlegi fınalǵa shyǵý úshin taǵy bir úndistandyq Debasıs Sahýýmen talasady.

Eske sala keteıik, budan buryn Ýımbldonda Elena Rybakınanyń ekinshi jeńisine qol jetkizgenin jazǵan bolatynbyz.

Sondaı-aq Tımofeı Skatov Germanııadaǵy jarystyń jartylaı fınalyna shyqty.

Al Aleksandr Býblık alǵash ret Ýımbldonnyń tórtinshi aınalymyna ótti.