Qazaqstandyq jas tennısshiler Almatyda ótken týrnırde úzdik shyqty

ASTANA. QazAqparat - Qazaqstandyq jas tennısshiler Almatyda 18 jasqa deıingiler arasynda Almatyda ótken ITF Juniors J100 týrnıriniń jeńimpazy atandy, dep habarlaıdy QazAqparat tilshisi.

Qazaqstan tennıs federatsııasynan málim etkenindeı, jekeleı synda 17 jastaǵy Vıtalıı Zatsepın fınalda ózinen eki jas kishi Zańǵar Nurlanulymen kezdesti.

Tájirıbesi mol Qaraǵandy tennıs mektebiniń túlegi V.Zatsepın 6:4, 6:3 esebimen jeńiske jetti.

Bul onyń ITF Juniors jarysyndaǵy alǵashqy tıtýly edi. V.Zatsepın Qazaqstandaǵy jeńisi asa mańyzdy ekenin jetkizdi.

«Fınalda jeńilip qalǵanyma qaramastan, óz ónerime qanaǵattanamyn. Alda taǵy bir doda bar. Bir aptadan keıin Shymkentke baramyn, onda da bar kúshimdi salamyn», dedi Zańǵar Nurlanuly.

Juptyq synda fınalda V.Zatsepın men Іlııas Maratulyn 6:4, 6:3 esebimen utqan Erasyl Erdildá - Jaqas Qozybaq úzdik shyqty.

Qyzdar arasynda Asyljan Arystanbekova sońǵy básekede Belarýs ókili ıÝlııa Perepehınaǵa jol berdi - 0:6, 4:6. Juptyq synda da ol Ádemi Amankeldimen birge asa tartysty matchta belarýstyq sportshy ıÝ.Perepehına - Ksenııa Smırnovaǵa jol berdi - 2:6, 6:3, 17:19.

Jasóspirimderden 14 jasqa deıingiler de qalysar emes. Ámına Nurmahan Ispanııada birinshi sanattaǵy Tennis Europe týrnırinde absolıýtti chempıon atandy. Ol jekeleı synda ıspanııalyq Karmen Marııa Mýnozdan basym tústi - 6:2, 6:4. Juptyq synda Ámına ıspanııalyq Sofııa Drozdenkomen birge kort ıeleri Anna Kesares - Iren Osarıostan aılasyn asyrdy - 6:1, 6:0.

Grekııada úshinshi sanattaǵy Tennis Europe jarysynda Robert Kamınskıı fınalda grekııalyq Zavargınos Atansıosty qapy qaldyrdy - 6:2, 6:2.

Eske sala keteıik, budan buryn «Úlken dýlyǵa» týrnırinde Novak Djokovıchtiń 24-inshi ret chempıon atanǵanyn jazǵan bolatynbyz.

Sondaı-aq AQSh ashyq chempıonatynda qazaqstandyq tennısshilerdiń qansha tabys tapqany belgili boldy.