Qazaqstandyq jas tennısshi Eýropa reıtınginde 100 kún boıy kósh bastap keledi

NUR-SULTAN. QazAqparat – Tennis Europe (TE) uıymy bıyl kúzde Monte-Karloda ótetin Junior Masters týrnırine oraı jańartylǵan reıtıngini jarııa etti, dep habarlaıdy QazAqparat tilshisi.

Qazaqstan tennıs federatsııasy málim etkenindeı, 13 jasar Zańǵar Nurlanuly 100 kún boıy kósh bastap keledi.

Qazirgi kezde Qazaqstannyń jas juldyzynyń enshisinde 520 upaı bar.

Sondaı-aq Qazaqstannan Damır Jalǵasbaı (43-oryn) men Danıel Tazabekov (62-oryn) úzdik júz tennısshiniń qataryna kirdi.

Jýyrda Z.Nurlanuly D.Jalǵasbaı jáne D.Tazabekovpen birge Úndistannyń Nıý-Delı qalasyna keldi. Onda Qazaqstan jasóspirimder quramasy 25 sáýirden bastap 14 jasqa deıingiler arasynda álem chempıonatynyń Azııa/Tynyq muhıt aımaǵy boıynsha irikteý týrnırine qatysady.

Eske sala keteıik, budan buryn Qazaqstan jasóspirimder quramasynyń ÁCh irikteý týrnıriniń shırek fınalyna shyqqanyn, Elena Rybakınanyń Shtýtgart týrnırin sátti bastaǵanyn jazǵan bolatynbyz.