Qazaqstandyq jas gımnastar Sıngapýrda 7 medal enshiledi

SINGAPÝR. QazAqparat - Qazaqstandyq jas sportshylar toptyq estetıkalyq gımnastıkadan «Aesthetic Group Gymnastics World Cup II & Challenge Cup II 2019 Singapore» halyqaralyq jarysynda jaqsy nátıjelerge qol jetkizdi, dep habarlaıdy «QazAqparat» HAA menshikti tilshisi.

Baıraqty básekege 10 eldiń: Qazaqstan, Avstralııa, Malaızııa, Sıngapýr, AQSh, Kanada, Taıland, Jańa Zelandııa, Taıvan jáne Japonııa sportshylary qatysty

Elimiz namysyn Nur-Sultan, Almaty jáne Qyzylorda qalalarynan barlyǵy 7 komanda (59 qatysýshy, 5 bapker jáne 2 tóreshi) qorǵady. Nátıjesinde el qorjynyna úsh altyn, eki kúmis jáne eki qola medal tústi.

Atap aıtqanda, «ıÝnıorlar» sanatynda birinshi oryndy «Kerbez» Balalar men jasóspirimderdiń mamandandyrylǵan olımpıadalyq rezerv sport mektebi (Almaty) aldy. Sondaı-aq «8-10 jas» sanatynda altyn júlde «Kórkem» (Nur-Sultan) komandasyna buıyrdy. Kúmis medaldi «Kosmos» (Nur-Sultan), «Talısman» (Nur-Sultan), qola medaldi «Seıhýn 2» (Qyzylorda) komandalary enshiledi. «10-12 jas» kategorııasynda birinshi oryndy «Izýmrýd» (Nur-Sultan), ekinshi oryndy «Kosmos» (Nur-Sultan) komandalary aldy. Al «Seıhýn 2» komandasy «12-14 jas» sanatynda úshinshi orynǵa taban tiredi.

Avtory Sadyq Ákejanov