Qazaqstandyq jas ǵalym halyqaralyq jobada úzdik atandy

NUR-SULTAN. QazAqparat –9 eldiń 1200 zerttteýshisi qatysqan «Úzdik jas ǵalym – 2020» halyqaralyq jobasynda qazaqstandyq stýdent jeńimpaz atandy, dep habarlaıdy QazAqparat.

Eýrazııa ulttyq ýnıversıtetiniń habarlaýynsha, atalǵan oqý ornynyń 4-kýrs stýdenti Kamıla Egizbek jeńimpaz atanǵan.

«Onyń adamzatqa energııany tıimdirek paıdalanýǵa múmkindik beretin perovskıttik nanoqurylymdardyń qasıetterin zertteýdegi ǵylymı zertteý jumysy erekshe baǵaǵa ıe bolǵan. Bul óz kezeginde tehnologııalardyń ónerkásiptik damýyna úlken úles qosady» - delingen habarlamada.

Jobaǵa Ózbekstan, Tájikstan, Belarýs, Reseı, Qyrǵyzstan, Ýkraına, Mońǵolııa, Túrkııa elderinen úmitkerler ótinim berdi.