Qazaqstandyq jas dzıýdoshylar Azııa chempıonatynda 1-oryn aldy

ASTANA. QazAqparat - Beırýtta (Lıvan) kadetter arasynda ótken dzıýdodan Azııa chempıonatynda otandastarymyz 6 altyn medal jeńip aldy, dep habarlaıdy QazAqparat tilshisi.

QR Dzıýdo federatsııasynyń baspasóz qyzmetiniń habarlaýynsha, qurlyqtyq chempıonattyń sońǵy kúninde qazaqstandyq jas tatamı sheberleri qorjynǵa 4 altyn, 3 kúmis jáne 1 qola júlde salyp, medal sany boıynsha jalpykomandalyq esepte 1-orynǵa shyqty.

Eki kúnniń qorytyndysy boıynsha Qazaqstan jasóspirimder qurama komandasy 6 altyn, 5 kúmis jáne 4 qola medalmen jarysty aıaqtady.

Osyǵan deıin jarystyń birinshi kúni 2 altyn, 2 kúmis, 3 qola medal jeńip alǵany týraly jazǵan bolatynbyz. 

Jarystyń sońǵy kúni júlde alǵan otandastarymyz:

Altyn - Sádýaqas Bekarys (90 kg)

Altyn - Muhambet Zulharnaev (+90 kg)

Altyn - Krıstına Sotnıkova (63 kg)

Altyn - Margarıta Grıtsenko (70 kg)

Kúmis - Hanıfa Týgýsheva (57 kg)

Kúmis - Madına Paragýlgova (+70 kg)

Kúmis - Aıan Baıǵazy (81 kg)

Qola - Shyryn Qadirsiz (57 kg)