Qazaqstandyq jáne qytaılyq vaktsınanyń aıyrmashylyǵy nede – maman jaýaby

NUR-SULTAN. QazAqparat – Medıtsına ǵylymdarynyń doktory Lázzat Eralıeva COVID-19-ǵa qarsy qazaqstandyq jáne qytaılyq vaktsınalardyń bir-birinen aıyrmashylyǵy nede ekendigin aıtty, dep habarlaıdy QazAqarat tilshisi.

«Jalpy, vaktsınalardy birdeı deýge bolady. Ekeýi de ınaktıvtelgen vaktsına sanalady. Olardyń quramynda SARS-CoV-2 vırýsynyń óltirilgen shtammy bar. Quramy da, adıývanttarynyń, belsendi zattarynyń bolý da birdeı. Jalǵyz aıyrmashylyǵy, aıtalyq, qazaqstandyq vaktsınanyń saqtaý merzimi 6 aı, al qytaı vaktsınasyn 12 aı saqtaýǵa bolady», - dedi Lázzat Eralıeva Experts Hub Kazakhstan» jobasy sarapshylarymen ótken dóńgelek ústel barysynda.

Onyń atap ótýinshe, eki vaktsınanyń tehnıkalyq detaldarynda da bolmashy aıyrmashylyq bar.

«ıAǵnı, azdaǵan ǵana tehnıkalyq detalynda ózgeshelik bar. Al kórsetilimi, qarsy kórsetilimi birdeı deýge bolady. Tıimdiligine qatysty aıtar bolsaq, otandyq ǵalymdardyń málimdemelerine sáıkes, qazaqstandyq vaktsınanyń tıimdiligi 90 paıyzdy quraıdy. Degenmen, qytaılyq vaktsınanyń tıimdiligi de osy shamada», - dedi ol.