Qazaqstandyq jáne ırandyq kompanııalar kommertsııalyq kelisim jasaýda
13:14, 10 Sáýir 2016
ASTANA. QazAqparat - Búgin qazaqstandyq jáne ırandyq kompanııalardyń arasynda birqatar kommertsııalyq qujattarǵa qol qoıylady. Bul týraly QR Investıtsııalar jáne damý mınıstrliginiń baspasóz qyzmeti habarlady.
Iran Islam Respýblıkasyna QR Investıtsııalar jáne damý mınıstri Áset Isekeshev bastaǵan qazaqstandyq delegatsııa barǵan bolatyn.
«Búgin munda bizdiń jáne ırandyq kompanııalardyń arasynda birqatar kommertsııalyq qujattarǵa qol qoıylady. Sonyń ishinde QR IDM-niń «KAZNEX INVEST» ulttyq agenttiginiń kómegimen. Birneshe otandyq kompanııa Iran Islam Respýblıkasynyń naryǵyna shyǵady. Investıtsııalyq kelisimder de bar», dep jazady Feısbýktegi paraqshasynda mınıstrliktiń baspasóz hatshysy Qaısar Jumabaıuly.
Eske sala ketsek, 11 - 12 sáýirde Qazaqstan Respýblıkasynyń Prezıdenti Nursultan Nazarbaev Prezıdent Hasan Rýhanıdiń shaqyrýymen Iran Islam Respýblıkasyna barady.