Qazaqstandyq jańa áýe kompanııasy 2015 jyldyń ekinshi jartysynda ishki naryqta jumys isteı bastaıdy

ASTANA. QazAqparat - Jańa áýe kompanııasyn qurýdyń algorıtmi qoldaýǵa ıe boldy Bul týraly búgin Úkimet otyrysynyń qortyndysy boıynsha Ortalyq kommýnıkatsııalar qyzmetindegi brıfıngte QR Kólik jáne kommýnıkatsııa mınıstri Jeńis Qasymbek málim etti.

«Azamattyq avıatsııany damytýdyń mańyzdy faktory retinde ishki naryqta jumys isteıtin qosymsha jańa qazaqstandyq kompanııanyń qurylýy qarastyrylýda. Búgin bul kompanııany qurýdyń algorıtmi baıandalyp, ol óz kezeginde qoldaýǵa ıe boldy. Aldaǵy jyldyń ekinshi jartysynda, ıaǵnı úshinshi nemese tórtinshi toqsanda jańa kompanııa ishki naryqta jumys isteıtin bolady»,-dedi J.Qasymbek.

Esterińizge sala keteıik, bıyldyń basynda elimizde taǵy bir otandyq «Eır Qazaqstan» áýe kompanııasy qurylatyny habarlanǵan edi.

Atap aıtqanda, «Samuryq-Qazyna» qory «Bombardier» kompanııasymen on ushaqqa seriktestik kelisimin bekitti. Bul ushaqtar óńiraralyq áýe jelilerinde paıdalanylady. Osy ushaqtardy qordyń quramyndaǵy ekinshi otandyq áýe kompanııasy - «Eır Qazaqstan» paıdalanady.