Qazaqstandyq zenıttik bólimshelerdiń áskerı qyzmetshileri bir aı polıgon jaǵdaıynda bolady (FOTO)

ASTANA. QazAqparat - «Ońtústik» óńirlik qolbasshylyǵy Otar oqý-jattyǵý ortalyǵynyń Mátibulaq polıgonynda QR Qarýly Kúshteri Qurlyq áskerleri zenıttik bólimsheleriniń oqý-jattyǵýy ótedi, dep habarlaıdy QR QM baspasóz qyzmeti.

Zenıttik bólimsheler, QR QK-niń áskerı tehnıkasy men qarý-jaraǵy bir aı boıy polıgon jaǵdaıynda bolady. Áskerı qyzmetshilerdiń sany 100-den asady.

Teńiz jaıaý áskerleri brıgadasynyń zenıttik dıvızıon áskerı qyzmetshileri Mańǵystaý oblysynan ońtústikke jetkize otyryp, jıynǵa óziniń tehnıkasymen qatysatynyn aıta ketken jón.
Bul oqý-jattyǵý jaýyngerlerge zenıttik qurylǵylardan jaýyngerlik oq atý boıynsha is júzindegi daǵdylaryn jetildirýge múmkindik beredi, áskerı qyzmetshiler jaýyngerlik jáne dene daıarlyǵy boıynsha synaq tapsyrady, bólimshelerdiń saıysy ótedi. Oqý-jattyǵýdyń basty maqsaty - Qurlyq áskerleri zenıttik bólimsheleriniń daǵdysyn jetildirý jáne tikeleı basqarý bolyp tabylady. Jattyqtyrý jeke quramnyń joǵary jaýyngerlik rýhyn, moraldyq-psıhologııalyq qasıetteri men kez kelgen sátte Otandy qorǵaýǵa ázirligin qalyptastyrýǵa yqpal etýi tıis.