Qazaqstandyq zańgerlerdiń basym bóligi Astanada qurylatyn halyqaralyq ortalyqta jumys isteýge qabiletti
Aıta keterligi, Elbasynyń «100 naqty qadam» Ult josparynda sot tóreliginiń ashyqtyǵyn qamtý, ádilsot júıesine qoljetimdilikti qamtamasyz etý baǵytyndaǵy jumysqa erekshe kóńil bólingen bolatyn. Máselen, ınvestıtsııalyq daýlar boıynsha jeke sot isterin júrgizýdi qurý, Dýbaı tájirıbesi boıynsha Astana qalasynda «AIFC» halyqaralyq qarjy ortalyǵyn qurý, sheteldik jáne halyqaralyq sottardyń úzdik standarttary boıynsha sot isterin júrgizýdi qamtamasyz etý úshin Joǵarǵy Sot janynan bedeldi sheteldik sýdıalar men zańgerler qatysatyn halyqaralyq keńes qurý sharalary naqty qamtyldy.
«Dýbaı tájirıbesi boıynsha Astana qalasynda «AIFC» halyqaralyq tórelik ortalyǵyn qurý asa mańyzdy qadam. Qazaqstan osy arqyly halyqaralyq arbıtraj sheshimderiniń jaqsy úlgisin alýǵa umtylmaq. Jalpy, barsha halyqaralyq sottar bir biriniń tájirıbesin zerttep, zerdeleıdi. Sonyń ishinde meılinshe qyzyq, meılinshe rezonansty, meılinshe ádemi sheshimder negizge alynyp jatatyny da sodan», - dedi brıfıng barysynda ÚEU ókili.
Onyń paıymynsha, bul baǵytta balama ádilsot júıeleri, memlekettik emes uıymdar básekelestik deńgeıin arttyryp, sapalylyqty joǵarylatady. Sonymen qatar, memlekettik sottar ózderiniń jumystaryn jaqsartý úshin jańa múmkindikterge de ıe bolady.
«Men búgingi qazaqstandyq sýdıalar, zańgerler halyqaralyq sottardaǵy joǵary deńgeıde jumystar atqaryp júr jáne atqara alady dep sanaımyn. ıAǵnı, olar úshin ózgeshe bir oqytýlardyń qajeti shamaly. Al biraq jańa iske kirisip jatqan zańgerler úshin biliktilik oqytýlary mindetti túrde bolýy qajet», - dedi E. Abdrasýlov.
.