Qazaqstandyq zańgerler AHQO Halyqaralyq tórelik alqasyna qosyldy
Eýropa, Almaty jáne Astanadaǵy Dentons-tyń basqarýshy seriktesi, Qazaqstan zańgerler qaýymdastyǵy basqarma keńesiniń (KazBar) tóraǵasy Aıgúl Kenjebaevany HTO quramyna Tóraǵa Barbara Doman hanym taǵaıyndady.
Aıgúl Kenjebaevanyń zańger ári tóreshi retinde tájirıbesi 35 jyldan asady. Ol tórelik jáne daýlardy sheshý, korporatıvtik quqyq, energetıka jáne tabıǵı resýrstar, MJÁ jáne ınfraqurylymdyq jobalar, zııatkerlik menshik jáne monopolııaǵa qarsy zańnama salasynda mamandanǵan. Ol únemi Shambers Global jáne Legal 500 anyqtamalyqtarynda qazaqstandyq zań sarapshysy retinde tanylady.
Aıgúl Kenjebaeva: "HTO Qazaqstandaǵy zań quqyǵynyń ústemdigin ornatýdaǵy mańyzdy qurylys bóligi bolyp tabylady. HTO tóreshiler men medıatorlar kollegııasyna shaqyrýy men Qazaqstan zańgeri jáne tóreshisi retinde óz tájirıbemdi jetekshi tórelik ınstıtýttar úshin iske asyrý men úshin úlken qurmet", - dedi óz sózinde.
HTO tóreshisi, sonymen qatar, HTO tóreshiler jáne medıatorlar kollegııasyna Qazaqstan Respýblıkasyndaǵy Baker & McKenzie - CIS Limited keńesshisi Aleksandr Korobeınıkov myrzany taǵaıyndady. Korobeınıkov myrzanyń Qazaqstan jáne Eýropa óńirinde halyqaralyq tórelik jáne kommertsııalyq sot isin júrgizýde tájirıbesi zor.
Korobeınıkov myrza: "Shetel ınvestorlary Elbasy Nursultan Nazarbaevtyń «Astana» Halyqaralyq Qarjy Ortalyǵyn qurý bastamasyn qoldaıdy. Osy ınvestorlar AHQO usynatyn múmkindikterge, sonyń ishinde daýlardy AHQO sotynda jáne HTO-da halyqaralyq standarttarǵa sáıkes sheshý úshin jańa nusqalarǵa degen úlken úmit artady. HTO taraptarǵa jaıly tórelik erejelerin qabyldady, sondaı-aq onyń Tóraǵasy Doman hanym HTO tóreshiler jáne medıatorlar kollegııasyna tájirıbeli ári abyroıly tóreshi mamandardy taǵaıyndady. Men úshin osyndaı tóreshi mamandar arasynda bolý úlken qurmet jáne men HTO qyzmetterin qoldanatyn taraptar úshin joǵary sapaly qyzmet kórsetý úshin bar kúshimdi salyp jumys isteýge ýáde beremin." - dep atap ótti.
"Men Kenjebaeva hanym men Korobeınıkov myrzaǵa osy tóreshiler jáne medıatorlar kollegııasyna hosh keldińizder dep aıtýǵa qýanyshtymyn. Bul Qazaqstan zańgerler qaýymdastyǵynyń Astana qalasynda kommertsııalyq daýlardy sheshý úshin úzdik halyqaralyq tórelik jáne medıatsııalyq qyzmetter kórsetý maqsatynda jańa Halyqaralyq Tórelik Ortalyǵyn qurý nıetiniń aıqyn belgisi. Bizdiń jańa eki tóreshimiz HTO damytý jolynda ózderiniń qundy tájirıbesin ákeledi." - dedi HTO tóraǵasy Barbara Doman.
Qazirgi ýaqytta HTO tizimine Qazaqstandy qosa alǵanda, túrli ıýrısdıktsııalardan 28 táýelsiz, bilikti jáne bedeldi halyqaralyq tóreshiler men medıatorlar kiredi.