Qazaqstandyq YouTube-tegi jarnamaǵa senip, 30 mln teńgesinen aıryldy

KÓKShETAÝ. QazAqparat - Aqmola oblysynyń turǵyny «Go-Coin» saýda alańynda kıberalaıaqtardyń arbaýyna túsip, 30 mıllıon teńgesinen aırylyp qaldy, dep habarlaıdy QazAqparat tilshisi.

Aqmola oblystyq Polıtsııa departamenti baspasóz qyzmetiniń málimetinshe, kıbershabýyldar gıpnoz jáne NLP ádisterin qoldanady, ıaǵnı adamdar ne bolyp jatqanyn tıisti túrde baǵalaı almaıtyndyǵyn paıdalanady.

«Aqmola oblysynda turatyn áıel YouTube qosymshasynda «Halyq banki» jáne «QazMunaıGaz» platformalarynda aqshalaı qarajatty tıimdi ınvestıtsııalaý týraly habarlandyrýlardy kórgen. Artynsha osyǵan qyzyǵýshylyq tanytqan áıel óziniń nómirin lıstıngke qaldyrady, keıin oǵan belgisiz er adam qońyraý shalyp, ınvestıtsııalyq alańda qosymsha tabys tabý úshin banktik shotyna aqsha aýdarýdy suraǵan. Osylaısha zardap shegýshi áıel alaıaqtardyń arbaýyna túsip, bir aıda saýda alańynyń esep-shotyna shamamen 30 mıllıon teńge aqshasyn aýdarǵan. Ol bul aqshanyń birazyn dostary men týysqandarynan alsa, endi barazyn túrli bankterden nesıege alady. Keıinirek aqshasyn almaqshy bolǵanda, túrli kedergiler aldynan shyǵyp, áıel alaıaqtar aldap soqqanyn biraq-aq bilgen», - deıdi vedomstvodan.

Qazirgi kezde, osy derekke baılanysty Qylmystyq kodekstiń 190-babynyń 4-bóligi «alaıaqtyq» boıynsha sotqa deıingi tergeýdi bastaldy.

Buǵan deıin alaıaq bloger arqyly qaıyrymdylyqqa aqsha jınaǵan.