Qazaqstandyq vaktsınaǵa qyzyǵýshylyq tanytqan elder bar – Alekseı Tsoı

NUR-SULTAN. QazAqparat – Koronavırýsqa qarsy otandyq Qaz Covid-in vaktsınasyna birqatar el qyzyǵýshylyq tanytyp otyr. Bul týraly Densaýlyq saqtaý mınıstri Alekseı Tsoı aıtyp berdi, dep habarlaıdy QazAqparat tilshisi.

«Qazaqstanda vaktsına shyǵaratyn dástúrli zaýyt bolǵan joq. Pandemııa kelgende belsendi jumys bastaldy, qazir alǵashqy qazaqstandyq vaktsına zaýytynyń qurylysy aıaqtalyp qaldy. Ony nasıhattaýǵa kelsek, árıne, bul máselemen aınalysýdy josparlap otyrmyz. Vaktsınany ilgeriletý úshin klınıkalyq zertteýlerdiń tolyq nátıjesin alý kerek, óıtkeni barlyq elder birinshi kezekte klınıkalyq zertteý parametrlerin suraıdy, onyń tıimdiligin tekseredi, sodan keıin ótinim berýi múmkin. Qazir de bizdiń ónimge qyzyǵýshylyq tanytqan elder bar, biraq olardyń barlyǵy klınıkalyq zertteýlerdiń nátıjesin kútýde», - dep jaýap berdi mınıstr Ortalyq kommýnıkatsııalar qyzmetindegi brıfıngte tilshi suraǵyna.

Bul rette Alekseı Tsoı otandyq vaktsınamen birinshi kezekte Qazaqstan naryǵy qamtamasyz etiletinin, óz qajettiligimizdi toltyrmaıynsha syrtqy naryqqa shyqpaıtynyn aıtty.