Qazaqstandyq vaktsına naýryz aıynda qoldanysqa shyǵady

NUR-SULTAN. QazAqparat – Aqpan aıynda reseılik vaktsına qoldanysqa shyǵa bastaıdy. Bul týraly Ortalyq kommýnıkatsııalar qyzmetinde ótken brıfıngide aıtyldy, dep habarlaıdy QazAqparat tilshisi.

«Qazaqstandyqtardyń qajettiligin qamtamasyz etetin vaktsına shyǵaratyn zaýyttyń salynýyn kútip otyrmyz. Bul zaýyt jylyna vaktsınanyń 60 mln dozasyn shyǵara alady. Vaktsınatsııalaýdy ózimizde bar kólemde júzege asyra bastaımyz, ary qaraıǵy qajettilikti atalǵan zaýyt óndirip beredi dep oılaımyz», - dep atap ótti QR Densaýlyq saqtaý mınıstri Alekseı Tsoı.

Ol aqpan aıynda reseılik vaktsınanyń qoldanysqa shyǵaryla bastaıtyndyǵyn aıtty.

«Odan keıin kezeń kezeńimen, aı saıyn qazaqstandyq vaktsınany da qoldanysqa shyǵara bastaımyz. Qazaqstandyq vaktsına naýryz aıynda qoldanysqa shyǵady. Vaktsınalar naryqqa shyqqannan keıin negizgi qajettilikti qamtamasyz etemiz dep oılaımyn», - deıdi mınıstr.