Qazaqstandyq úshinshi boksshy Strandj kýbogynyń fınalyna shyqty

NUR-SULTAN. QazAqparat - Bolgarııa astanasynda ótip jatqan Strandj kýbogy týrnırinde úshinshi qazaqstandyq bylǵary qolǵap sheberi fınalǵa shyqty, dep habarlaıdy QazAqparat tilshisi.

Atalǵan týrnırde 81 keli salmaqta el namysyn qorǵap jatqan qazaqstandyq boksshy, 2016 jyly birinshiliginiń chempıony Lázzat Kúngeıbaeva jartylaı fınal jekpe-jeginde úndistandyq Nandınıdi 5:0 esebimen tize búktirip, fınalǵa shyqty.

Endi ol halyqaralyq týrnırdiń altyn medal úshin synǵa túsedi.

Esterińizge sala keteıik, osyǵan deıin áıelder arasynda taǵy eki boksshymyz fınalǵa shyqqanyn jazǵan bolatynbyz.

Onyń biri - 50 keli salmaqta synǵa túsken Nazym Qyzaıbaı bolsa, ekinshisi - 54 keli salmaqta el namysyn qorǵaǵan Dına Jolaman bolatyn.

Ókinishke qaraı, búgin taǵy eki boksshymyz jartylaı fınalda qarsylastaryna jol berdi.

Bireýi - 60 keli salmaqta synǵa túsken Rımma Volosenko bolsa, ekinshisi 81 kelide el namysyn qorǵaǵan Anastasııa Baıazıtova.

Volosenko jartylaı fınalynda ırlandııalyq Keılı Harrıngtonǵa 0:5 esebimen jeńilse, Baıazıtova reseılik Anna Ivanovaǵa jol berdi.