Qazaqstandyq úsh jas tennısshi Tegerandaǵy týrnırdiń shırek fınalyna shyqty

ASTANA. QazAqparat – Úsh qazaqstandyq tennısshi Iran astanasy Tegeranda 18 jasqa deıingiler arasynda ótip jatqan ITF Juniors J100 TEHRAN týrnıriniń shırek fınalyna shyqty, dep habarlaıdy QazAqparat tilshisi.

Qazaqstan tennıs federatsııasynan málim etkenindeı, bedeldi jarysta Ámir Omarhanov (299 ITF Juniors), Zańǵar Nurlanuly (692 ITF Juniors) jáne Danıal Rahmatýllaev (435 ITF Juniors) tabysty óner kórsetip jatyr.

Ekinshi aınalymda Ámir Omarhanov shvetsııalyq Alfonso Rıdstremdi 4:6, 7:5, 6:2 esebimen tize búktirse, Zańǵar Nurlanuly úndistandyq Hıtesh Chýhandy qapy qaldyrdy – 6:4, 3:6, 6:4. Al, Danıal Rahmatýllaev ırandyq Amıralı Gavamdy joldan taıdyrdy – 6:3, 6:0.

Juptyq synda Á. Omarhanov bolgarııalyq Ivan Naıdenovpen birge jartylaı fınalda taǵy bir qazaqstandyq Jaqas Qozybaq – reseılik Dmıtrıı Býrttsevpen sheberlik baıqasady. Jeńgen jup fınalǵa shyǵady.

Eske sala keteıik, budan buryn Elena Rybakınanyń Ýımbldonda chempıondyq ataǵyn úshinshi raketka bolyp qorǵaıtynyn jazǵan edik.

Sondaı-aq, Aleksandr Nedovesov Istbýrnda jartylaı fınalǵa shyǵa almady.

Anna Danılına Istbýrnda jeńilip qaldy.