Qazaqstandyq UFC týrnırinde úzdik aıqas kórsetkeni úshin qomaqty syıaqy aldy
15:50, 13 Aqpan 2022
NUR-SULTAN. QazAqparat – Qazaqstandyq boksshy Sergeı Morozov pen Brazılııa ókili Dýglas Sılva UFC 271 týrnırinde «Keshtiń úzdik aıqasy» úshin 50 myń dollar bonýs aldy, dep habarlaıdy QazAqparat Sports.kz saıtyna silteme jasap.
«Vestnık MMA» aqparatyna sáıkes, Morozov Nur-Sultan ýaqyty boıynsha búgin tańerteń brazılııalyqtan jeńilip qaldy. Jekpe-jek ekinshi raýndta qylǵyndyrý tásilinen keıin toqtatyldy. Atap ótý kerek, bul – qazaqstandyqtyń UFC-degi ekinshi jeńilisi. Boksshy úsh ret aıqasqan.
Qosa keteıik, «Keshtiń úzdik qoıylymy» úshin Djared Kannonır men Taı Týıvasa bonýs aldy.