Qazaqstandyq ÚEU-lar dári-dármekterdi satyp alý júıesin jáne olarmen respýblıkanyń tórt qalasyn qamtamasyz etý jaǵdaıyn saraptaýǵa kiristi
Qoǵamdyq monıtorıng boıynsha jobanyń jumysy jaıly búgin Almatyda ótken arnaıy baspasóz máslıhatyna qatysýshylar málim etti.
Jobany "Aman-saýlyq" qoǵamdyq qory daıyndaǵan. Joba tegin medıtsınalyq kómek kepildigi bolyp tabylatyn ınstıtýttyń qamtamasyz etý tıimdiligin arttyrý jáne qyzmetiniń ashyq ekendigin kórsetý maqsatynda iske asyrylýda. Joba barysynda jasalatyn qoǵamdyq monıtorıng Almaty, Qyzylorda, Qaraǵandy, Semeı qalalarynda ÚEU-lardyń, respýblıkalyq qoǵamdyq birlestikterdiń, dári-dármektermen qamtamasyz etý salasynyń halyqaralyq jáne ulttyq sarapshylardyń qatysýymen ótkizilmek.
"Qazaqstan TMD elderi arasynda birinshi bolyp tasymaldaý úlgisiniń jańa túrine kóshken el. Bul úlgi bizdiń kútýimizshe, dári-dármektermen qamtamasyz etý máselesin sheshýi kerek bolatyn. Biraq, birinshi jartyjyldyqtyń nátıjesi, dárimen qamtamasyz etý úlgisiniń júzege asyrylmaǵandyǵyn, emdelýshilerdiń áli kúnge deıin ýaqytynda dárilerin ala almaı otyrǵandyǵyn kórsetti. Biz quqyq qorǵaý uıymy retinde endigi maqsatymyz, jiti monıtorıng júrgizý", dedi "Aman-saýlyq" qoǵamdyq qorynyń prezıdenti Baqyt Túmenova. Onyń aıtýynsha, bul ıdeıa Soros-Qazaqstan qorynyń qoldaýymen, "Memlekettik resýrstardyń ashyqtyǵy" baǵdarlamasy aıasynda júzege asyrylýda.
Soros-Qazaqstan qorynyń Basqarma tóraǵasy Anna Aleksandrovanyń aıtýynsha, táýelsiz sarapshylardyń baǵasy qoǵamdyq densaýlyq saqtaý salasyndaǵy máselelerdi tıimdi sheshý joldaryn tabýǵa, jáne halyqtyń qajetti dárilerine degen qoljetimdiligin jaqsarta túsýge septigin tıgizedi.