Qazaqstandyq týyndy Londonda «Úzdik anımatsııalyq fılm» atandy

NUR-SULTAN. QazAqparat - Ulybrıtanııa astanasy Londonda osymen úshinshi ret ótkizilgen ECG kınofestıvaliniń qorytyndysy jarııalandy, dep habarlaıdy QazAqparat.

Eýrazııa elderiniń kıno saıysynda Ulybrıtanııa, Reseı, Belarýs, Qyrym Respýblıkasy, Ýkraına, Ózbekstan, Qyrǵyzstan, Ázirbaıjan, Qazaqstan, Frantsııa, Portýgalııa, Qytaı jáne Túrkııa memleketinen jalpy jıyny 46 fılm kórsetildi.

Londonnyń qaq ortasyndaǵy Premier Cinema kınoteatrynda ótken marapttaý rásiminde Maqsut Sársembaev pen Mansur Sársembaevtyń «Hacked Future» («Búlingen bolashaq») atty qazaqstandyq fılmi «Úzdik stsenarıı» atalymyn jeńip aldy.

Al Dilshat Rahmatýlınniń «Seryı gýs «Despair» týyndysy «Úzdik anımatsııalyq fılm» atandy.

Taǵy bir qazaqstandyq kınotýyndy «Baluan Sholak» qurmet dıplomymen marapattaldy.