Qazaqstandyq tóreshiler alǵash ret Ábý-Dabıdegi týrnırde qazylyq etti

ASTANA. QazAqparat - Qazaqstandyq tóreshiler alǵash ret Ábý-Dabıde WTA 500 týrnırinde qazylyq etti, dep habarlaıdy QazAqparat tilshisi.

Qazaqstan tennıs federatsııasynan málim etkendeı, Dıera Áljanova, Damır Dúısenbaev, Álıhan Erkinov jáne Elvıra Islamǵalıeva qaptaldaǵy tóreshi retinde irikteý saıystary ǵana emes, sonymen qatar fınalǵa da qatysty.

Osyndaı barlyǵy 44 tóreshi bolsa, sonyń 18-i fınalǵa iriktep alyndy.

Bronze badge (qola belgi aqtan bir satyǵa joǵary) ıegeri Merýert Káýkeeva irikteý, shırek jáne jartylaı fınal matchtarynda minbede qazylyq etti.

Ótken jyly qarashada ıÝlııa Ignatchenko qazaqstandyqtar arasynan alǵash ret minbedegi tóreshi retinde kúmis belgi ıegeri atanǵan edi.

Eske sala keteıik, budan buryn Aleksandr Býblıktiń túrli jarysta qatarynan onynshy ret jeńilis tapqanyn jazǵan bolatynbyz.

Foto: Qazaqstan tennıs federatsııasy