Qazaqstandyq tólqujat Ortalyq Azııa boıynsha eń «myqty» bolyp tanyldy
02:26, 16 Shilde 2017
ASTANA. QazAqparat - Qazaqstandyq tólqujat Ortalyq Azııa boıynsha eń «myqty» bolyp tanyldy. Bul tólqujattyń vızalyq múmkindikterdi paıdalanýy boıynsha anyqtaldy, dep habarlaıdy QazAqparat Passport Index portalyna silteme jasaı otyryp.
Qazaqstandyq tólqujat Passport Index portaly jasaǵan reıtıng qorytyndylary boıynsha Ortalyq Azııada eń "myqty" dep tanyldy. Tizimdegi oryndar azamattarǵa vızasyz kirýge bolatyn elder sanynyń kórsetkishi boıynsha anyqtaldy.
Jalpy reıtıngte Qazaqstan 56 orynǵa (71 elge erkin kire alady) taban tirep, Qyrǵyzstan (68-shi oryn jáne 58 elge erkin kiredi), sondaı-aq Ózbekstan (72-shi oryn, 58 el), Tájikstan (71-shi oryn, 54 el) jáne Túrkmenstan (78-shi oryn, 48 el) sııaqty elderdi basyp ozdy.
Reıtıng kóshbasshylarynyń úshtigi - Germanııa (158 el), Sıngapýr (158) jáne Shvetsııa (157). Reıtıngtiń sońynda Irak (26 el), Pákistan (25 el) jáne Aýǵanstan (22 el) tur.