Qazaqstandyq tennısshilerdiń Tokıo Olımpıadasyndaǵy ónerine baǵa berildi

NUR-SULTAN. QazAqparat – Tokıo Olımpıadasy oıyndarynda tennısten el namysyn qorǵaǵan sportshylardyń kórsetkishterine baǵa berildi, dep habarlaıdy QazAqparat tilshisi.

«Tokıo Olımpıadasynda qazaqstandyq tennıs sporty jańa deńgeıge kóterildi. Tennıs federatsısynyń jumysyn nátıjeli boldy deýge bolady. Ózderińiz biletindeı, ár oblysta tennıs sektsııasynyń sany jyl sanap artyp keledi. Bizdiń tennısshiler jaqsy nátıje kórsetti», - dedi QR Ulttyq Olımpıada komıteti sport dırektsııasynyń dırektory Elsııar Qanaǵatov Ortalyq kommýnıkatsııalar qyzmetinde onlaın ótken baspasóz máslıhatynda.

Onyń aıtýynsha, elimizde tennıs sportyna qyzyǵatyn jasóspirimder úshin jan-jaqty qoldaý bar.

«Biz Olımpıadaǵa 8 joldama alyp, 7 tennısshi qatysty. Buryn mundaı kórsetkish bolǵan emes. Aldaǵy ýaqytta bul sport túrine basa nazar aýdarý kerek», - deıdi ol.

Aıta ketsek, Tokıo Olımpıadasynda el namysyn qorǵaǵan Aleksandr Býblık, Mıhaıl Kýkýshkın, Elena Rybakına, ıÝlııa Pýtıntseva jáne ıAroslava Shvedova jekeleı synda dodaǵa tússe, A.Býblık pen A.Golýbev, E.Rybakına men ıA.Shvedova juptyq synǵa tústi.