Qazaqstandyq tennısshiler Úndistandaǵy týrnırdiń shırek fınalyna shyqty

ASTANA. QazAqparat – Qazaqstandyqtar, álemdik reıtıngte 483-orynda turǵan Jibek Qulambaeva men Gózal Aınıtdınova (585 WTA) juptyq synda Úndistannyń Pýna qalasynda ótip jatqan ITF W40 týrnıriniń shırek fınalyna shyqty, dep habarlaıdy QazAqparat tilshisi.

Qazaqstan tennıs federatsııasynan málim etkenindeı, qazaqstandyq jup bastapqy kezdesýinde japonııalyqtar Erına Haıashı – Sakı Imamýrany 6:4, 6:4 esebimen tize búktirdi.

Jibek pen Gózal jartylaı fınalǵa shyǵý úshin ózbekstandyq Nıgına Abdýraımova – taıbeılik En-Shý Langpen talasady.

Jekeleı synda qazaqstandyqtar ekinshi aınalymnan asa almady.

Aýstralııada «Melbýrn Park» stadıonynyń ataqty korttarynda Aýstralııa ashyq chempıonatyna oraılastyrylǵan Asia-Pacific Elite 14 & Under Trophy jasóspirimder jarysy ótýde. 14 jastaǵy qazaqstandyq Albına Kákenova fınalǵa shyqty. «V» tobynda Albına úsh matchta da jeńiske jetti. Erteń fınalda japonııalyq Hıkarı ıAmommotomen bas júldeni sarapqa salady.

Eske sala keteıik, budan buryn Aýstralııa ashyq chempıonatynda jartylaı fınalǵa shyqqan tennısshilerdiń anyqtalǵanyn jazǵan bolatynbyz.

Sondaı-aq Aýstralııa chempıonatynda Elena Rybakına fınalǵa joldama úshin talasady.

Foto – Qazaqstan tennıs federatsııasy.