Qazaqstandyq tennısshiler Túrkııadaǵy jarystyń fınalısi atandy

ASTANA. QazAqparat – Qazaqstandyqtar, 17 jastaǵy Asyljan Arystanbekova men Dana Baıdáýlet Túrkııanyń Antalıa qalasynda ITF World Tennis Tour W15 jarysynyń fınalısi atandy, dep habarlaıdy QazAqparat tilshisi.

Qazaqstandyq tennısshiler juptyq synda fınalda týrnırdiń úshinshi raketkalary, nıderlandylyq Merel Hoed – ıtalııalyq Mırıan Tonaǵa jol berdi – 4:6, 4:6.

Team Kazakhstan akademııasynyń aǵa bapkeri Irına Chıchmarevanyń aıtýynsha, bul – olardyń eresekter arasyndaǵy alǵashqy jetistigi.

«Fınalda jeńilip qalǵanyna qaramastan, Asyljan men Dana bir apta boıy tabysty óner kórsetti. Sońǵy básekege deıin olar dodanyń ekinshi jáne tórtinshi raketkalaryn utty. Sondyqtan biz durys baǵyttamyz dep esepteımiz. Udaıy jattyǵa bilsek, budan da bıik shyńdy baǵyndyrýǵa bolady», dedi I.Chıchmareva.

Eske sala keteıik, budan buryn Andreı Golýbevtiń Rım týrnıriniń fınalynda jeńilip qalǵanyn jazǵan bolatynbyz.