Qazaqstandyq tennısshiler AQSh-taǵy jarystyń shırek fınalynda kezdesedi

ASTANA. QazAqparat – Qazaqstandyqtar Beıbit Juqaev pen Mıhaıl Kýkýshkın AQSh-tyń Lıttl-Rok qalasynda ótip jatqan chellendjer týrnıriniń shırek fınalynda ózara kezdesedi, dep habarlaıdy QazAqparat tilshisi.

Álemniń 325-raketkasy, 22 jastaǵy B.Juqaev jarysqa irikteý saıysynan keıin qosylyp, áýeli reıtıngte 333-orynda turǵan germanııalyq Peter Goevchıkti 6:2, 6:2 esebimen tize búktirdi.

Sodan keıin ekinshi aınalymda sensatsııa jasap, álemniń 187-inshi, osy dodanyń 2-raketkasy, amerıkalyq Nıkolas Moreno-De-Alborandy joldan taıdyrdy – 6:2, 6:7 (1:7), 7:6 (7:5).

Úsh saǵat 6 mınýtqa sozylǵan báseke barysynda Beıbit 15 eıs jasap, 9 breık-poınttyń úsheýin paıdalandy. Jeńiske degen jigeri sondaı, sońǵy taı-breıkte 1:5 esebimen utylyp jatyp, qatarynan alty dopty óz esebine jazdy.

Álemniń 296-raketkasy Mıhaıl Kýkýshkın aldymen reıtıngte 1379-satydaǵy amerıkalyq Maıkl Chjendi súrindirdi – 7:6 (7:5), 6:3. Al ekinshi aınalymda álemniń 246-raketkasy, amerıkalyq Tennıs Sandgrennen aılasyn asyrdy – 6:2, 7:5.

Osylaısha, B.Juqaev pen M.Kýkýshkın jartylaı fınal joldamasy úshin kortqa shyǵady.

Eske sala keteıik, budan buryn Elena Rybakınanyń Rolan Garros týrnıriniń úshinshi aınalymyna ótkenin jazǵan edik.

Elena Rybakına bokspen aınalysyp kórýi múmkin ekendigin aıtty.

Anna Danılına juptyq synda Rolan Garros týrnırin jeńispen bastady.

Rolan Garros týrnırinde Aleksandr Nedovesov úshinshi aınalymǵa joldama aldy.