Qazaqstandyq tennısshi Taılandtaǵy týrnırdiń jartylaı fınalyna shyqty

ASTANA. QazAqparat – Qazaqstandyq Jibek Qulambaeva juptyq synda Taılandtaǵy Nonthabýrı 2 ITF W40 týrnıriniń jartylaı fınalyna shyqty, dep habarlaıdy QazAqparat tilshisi.

Qazaqstandyq tennısshi ızraıldyq Lına Glýshkomen birge aldymen japonııalyq Kıoka Okamýra – taılyq Peangtarn Plıpýekti 7:5, 6:3 esebimen tize búktirdi.

Búgin qazaqstandyq-ızraıldyq dýet shırek fınalda taılyqtar Chompootıp Djandaket – Tamachan Momkýntodpen sheberlik baıqasty.

J.Qulambaeva men L.Glýshko 7:6 (7:2), 6:1 esebimen utyp, jartylaı fınalǵa joldama aldy. Olardyń jartylaı fınaldaǵy qarsylastary keıin anyqtalady.

Eske sala keteıik, budan buryn Elena Rybakınanyń juptyq synda Adelaıda týrnıriniń fınalyna shyqqanyn jazǵan bolatynbyz.

Sondaı-aq qazaqstandyq tennısshilerdiń Aýstralııa ashyq chempıonatyndaǵy qarsylastary anyqtaldy.

Foto – Qazaqstan tennıs federatsııasy.